Боомтын сэргэлт

БООМТЫН СЭРГЭЛТ

Боомтуудыг авто зам, төмөр зам, хурдны замаар цаг алдалгүй холбож, агаарын тээврийн салбарыг цоо шинэ шатанд гаргана.

Боомтуудын хатуу, зөөлөн дэд бүтцийг хөгжүүлэн ачаа болон зорчигч нэвтрүүлэх хүчин чадлыг дээшлүүлж, экспортыг нэмэгдүүлнэ.

Хилийн боомтуудыг төмөр зам болон хатуу хучилттай авто замаар үе шаттайгаар бүрэн холбон, тээвэр, логистикийн өрсөлдөх чадварыг дээшлүүлэн ачаа тээврийн урсгалыг сайжруулж, цаашид транзит улс болох суурь нөхцөлийг бүрдүүлнэ.

Монгол Улсын агаарын зайн зохион байгуулалт, агаарын замын ашиглалтыг сайжруулан дамжин өнгөрөх агаарын хөлгийн тоог нэмэгдүүлж, агаарын тээврийн либералчлалыг үе шаттайгаар үргэлжлүүлэх замаар ачаа тээврийн зангилаа төвийг бий болгож, мөн аялал жуулчлалын салбарыг дэмжинэ.

Монгол Улсын бүсчилсэн хөгжлийн үзэл баримтлалд тулгуурлан эдийн засгийн чөлөөт бүс, хуурай боомтуудыг үе шаттайгаар байгуулах замаар худалдааны эргэлтийг нэмэгдүүлнэ.

Үндэслэл, шаардлага

Монгол улс нь урд хилээрээ БНХАУ-тай 4709 км, хойд хилээрээ ОХУ-тай 3543 км-ээр хиллэдэг, далайд гарцгүй, өргөн уудам тал нутагтай орон билээ. Гэвч манай улсын эдийн засаг ердөө 4 боомт дээр төвлөрч, Энэ нь бараа бүтээгдэхүүний хомсдол үүсгэх, үнийн өсөлт, бизнесийн үйл ажиллагаанд сөргөөр нөлөөлж байна.

90%
Экспортын ачаа

3 боомт дээр буюу Гашуунсухайт, Шивээхүрэн, Замын-Үүдийн боомтуудад

90%
Импортын ачаа

2 боомт дээр буюу Алтанбулаг, Замын-Үүдийн боомтуудад

30%
Тээврийн зардалд

ДНБ-ийхээ 30%-тай тэнцэх дүнг зарцуулдаг.

Боомтуудыг холбосон авто зам, төмөр замын дэд бүтэц хангалтгүйгээс шалтгаалан бараа бүтээгдэхүүн эвдрэл гэмтэх, чанарын шаардлага алдагдах, тээвэрлэлтийн зардал өсөх гэх мэт асуудлууд үүсдэг. Дэлхийн банкны судалгаагаар манай улс ДНБ-ийхээ 30%-тай тэнцэх хэмжээний зардлыг тээвэрлэлтэд зарцуулдаг. Энэ нь бусад улс оронтой харьцуулахад өндөр үзүүлэлт юм.

Боомтын сэргэлтийн төслүүд

Бодлогын хүрээнд нийт 6 багц боомтын сэргэлтийн төсөл хөтөлбөрүүд батлагдсан байна. Үүнд төмөр замыг холбох, төмөр замын сүлжээг шинэчлэн сайжруулах, шинээр төмөр зам байгуулах, хилийн боомтуудыг хатуу хучилттай замаар холбох, онгоцны буудлуудын хүчин чадлыг нэмэгдүүлэх, хилийн боомтуудын хүчин чадлыг нэмэгдүүлэх, терминалуудыг байгуулах төслүүд тус тус багтана.

Бодлого хэрэгжсэнээр

Ингэснээр ачаа болон зорчигч нэвтрүүлэх хүчин чадал, урсгалыг нэмэгдүүлж, экспорт, худалдааны эргэлт сайжран, аялал жуулчлалын салбарыг дэмжинэ. Мөн эдийн засгийн чөлөөт бүс, хуурай боомтуудыг үе шаттайгаар байгуулснаар тээвэр, логистикийн өрсөлдөх чадварыг дээшлүүлэн цаашид “Транзит улс” болох суурь нөхцөлийг бүрдүүлэх юм.

Боомтын нэвтрүүлэх чадал 3 дахин нэмэгдэнэ.

Үндэсний төмөр замын сүлжээ 2 дахин нэмэгдэнэ. Боомтыг холбосон 2,966 км авто зам баригдана.

Идэвхитэй үйл ажиллагаатай агаарын боомт 2 дахин, 4C ангиллын нисэх буудал 4 болж нэмэгдэнэ.

Хуурай замын 4, аялал жуулчлалын 6 боомтыг хөгжүүлнэ.

Холбоотой мэдээ

Боомтын сэргэлт, түүний хэрэгжилтийн эргэн тойронд

zurag
ХУРИМТЛАЛЫН НЭГДСЭН САНГИЙН ХЭРЭГЖИЛТИЙГ ХАНГАХ АЖЛЫН ХҮРЭЭНД УУЛЗАЛТ, ХЭЛЭЛЦҮҮЛЭГ ЗОХИОН БАЙГУУЛЖ, АЖЛЫН ХЭСГҮҮД БАЙГУУЛАГДЛАА.
Байгууллагын үйл ажиллагааны тухай
 14 August 2024

Хуримтлалын сангийн хэрэгжилтийг хангах бодлого, үйл ажиллагааг хэрхэн зохицуулах, сангийн эх үүсвэр, иргэн бүрд хуримтлалын нэрийн данс үүсгэж, эрүүл мэнд, боловсрол, орон сууцны зориулалтаар ашиглах боломжийг бий болгох арга хэмжээний талаар

зураг
ГАЗРЫН ГҮНИЙ ЭРЧИМ ХҮЧ,НОГООН УСТӨРӨГЧ,ТАРХМАЛ ЭРЧИМ ХҮЧНИЙ БОЛОМЖ сэдвээр илтгэл тавигдлаа.
Байгууллагын үйл ажиллагааны тухай
 30 April 2024

ХБНГУ-ын Конрад Аденауер сангийн Монгол дахь суурин төлөөлөгчийн газраас “Монгол Улсын сэргээгдэх эрчим хүчний салбарын хөрөнгө оруулалт” сэдэвт арга хэмжээг 2024 оны 04 дүгээр сарын 26-ны өдөр зохион байгууллаа.

ЗУРАГ
СЭРГЭЭГДЭХ ЭРЧИМ ХҮЧНИЙ ЭКСПОРТЫН ТУЛГАМДАЖ БУЙ АСУУДАЛ ,БОЛОМЖ,ШИЙДЭЛ  СЭДЭВТ ИЛТГЭЛ ТАВИГДЛАА.
Байгууллагын үйл ажиллагааны тухай
 29 April 2024

“Build Mongolia 2024” олон улсын барилга, уул уурхай, дэд бүтцийн техник, дэвшилтэд технологийн үзэсгэлэн 2024 оны 04 сарын 24-26 өдрүүдэд амжилттай зохион байгуулагдав.

ЗУРАГ
АВСТРАЛИ УЛСЫН ТӨРИЙН АЛБАН ХААГЧИЙН ЦАХИМ ХЭРЭГЛЭЭНИЙ ЗОХИЦУУЛАЛТ ХЭРХЭН ХИЙГДДЭГ ВЭ .
Байгууллагын үйл ажиллагааны тухай
 12 April 2024

ШСБХТ-өөс Төрийн албан хаагчийн цахим хэрэглээ түүний нэгдсэн удирдлагын тухай Монгол улсын хууль тогтоомж, дүрэм журамд заасныг бусад улсын дүрэм, журам, хууль тогтоомжтой харьцуулан судалгааг хийлээ. 

зураг
“ТАРХМАЛ ЭХ ҮҮСВЭРИЙГ ТҮГЭЭХ СҮЛЖЭЭНД ЗЭРЭГЦЭН АЖИЛЛУУЛАХ НЬ ” сэдэвт сургалт боллоо.
Шинэ сэргэлтийн бодлогын тухай
 10 April 2024

2024 оны 3 дугаар сарын 21, 22-ны өдрүүдэд АНУ-ын Хөгжлийн Агентлагийн хэрэгжүүлж буй Монголын Эрчим Хүчний Засаглал хөтөлбөрийн дэмжлэгтэйгээр Сэргээгдэх Эрчим Хүч Үйлдвэрлэгчдийн Холбоо сэргээгдэх эрчим хүчний хэрэглээг өргөжүүлж, хөгжлийг дэмжих зорилгоор “Тархмал эх үүсвэрийг түгээх сүлжээнд зэрэгцэн ажиллуулах нь” сэдэвт танхимын сургалтыг зохион байгууллаа.